बेलाबेलामा दाँत सफा गराउँदा हृदयाघात र पक्षाघातको खतरा घट्ने रहेछ । एक लाख व्यक्तिमा गरिएको अध्ययनमा पाइए अनुसार, दन्त चिकित्सकसँग नियमित रूपमा स्केलिङ गराउनेहरूमा हृदयाघातको खतरा २४ प्रतिशतसम्म कम हुन्छ । यस्तै, दाँतको सफाइलाई लिएर जागरुक १३ प्रतिशत व्यक्तिमा पक्षाघातको जोखिम निकै कम भयो । दाँतको स्वच्छतालाई सामान्य रूपमा लिने व्यक्तिहरूमा हृदयाघात र पक्षाघातको डर दाँत सफा गराउनेहरूको तुलनामा बढी हुन्छ । दाँत सफा नहुँदा मुटु रोगका लागि जिम्मेवार सूक्ष्म जीवको संख्यामा अत्यधिक वृद्घि हुन्छ ।
